meiji714

台慶過後

完成咗台慶足足已經有兩個月啦! 但台慶當晚嘅每一幕都仍然深深咁記喺我腦裡面! 一班好幫手嘅兄弟姊妹, 一個好靚嘅場地, Grandma一個甜美嘅笑容, 一句"我願意"......"值得", 一切一切都係值得!

記得由預備呢個婚禮到婚禮前一天我都好唔開心, 特別係小釘嘅懶懶閒, 結果我發覺我錯怪咗佢, 原來佢一直都有負出, 但係我就一直怪錯佢, Sorry !

我們的婚戒

  我們的囍帖 回禮小禮物

上頭啦! 大個仔 我都上頭啦!

點會有四隻杯? 幾千蚊個Cake,買一次就夠 一班好幫手嘅兄弟姊妹

喺婚前都應該係時候 Update 吓個 Xanga 啦! 其實由開始籌備呢個婚禮到依家都有差不多一年啦, 喺呢一年真係覺得好煩, 好似冇人幫到我咁, 睇嚟我一定要喺未結婚之前控訴一吓....

啲男人除咗求婚係主動之外, 對於呢個婚禮就冇咩主動過, 叫佢做嘢就好似 "對牛彈琴" 咁! 同佢商量啲嘢, 就永遠都只係聽到一句:" 遲啲先啦, 洗咩咁急 " ... 我唔開心, 我真係好唔開心, 點解由買樓, 影婚紗相, book 酒店, 買婚禮用品..;.到依家執拾物品去酒店, 去 Honeymoon 樣樣都冇人同我分擔過, 佢除咗識得打機, 睇電視, 同上 internet 之外都唔知做過啲咩! 呢一年真係好辛苦, 好辛苦, 所有嘢都唔多順利之同時又冇人可以同我分享, 即使同佢分享吓, 佢就會話: " 芝! 唔好諗咁多啦" 之後就會走開! OH! 請容我講一句 " Shit the baby"

呢幾日我真係好想發洩, 好想發脾氣, 好在身邊有兩隻好可愛嘅家家同 PP, 只有佢哋先係一對好好嘅耹聽者! 只有佢哋先可以令我開心一下!

過兩日終於可以完成呢個台慶, 希望到時可以真正咁鬆一口氣!!

新年快樂

嘩! 又兩個月冇寫過 Xanga 啦! 真係懶咗好多... 新嘅一年要努力啲先得!

呢兩個月除咗執屋, 返工同籌備婚宴之外, 都好似冇時間做第四樣嘢咁... 呢排仲開始間中有胃痛, 最痛嗰次仲足足痛咗兩日, 唉.... 終於知道咩叫 "大壓力"!

身邊成日有好多人不停咁提醒我, 叫我好好享受吓籌備婚宴時的過程, 第時可以"回味"一番 ... 但係好對唔住, 我真係無辦法去欺騙自己, 我無辦法去享受呢個過程, 我感覺到的只有 "煩惱"  , "壓力"  , "憤怒"  , "埋怨"  同前所未有的 "不安" ! 

係時候維修吓!

呢幾日天氣凍咗, 所以尋日一早返工諗住揸四個轆啦, 點知"撻"唔着.....唉! 又破財! 雖然只係換電, 但係見佢咁樣衰, 唯有順便同佢整埋容啦! 唔知今次又唔見幾多銀兩呢!! 灰...